Баяннуур сумын 1-р багт татвар, газрын зөрчлөөр шалгалт хийлээ

Баяннуур сум, 2026 оны 10 дугаар сарын 20. Баяннуур сумын Засаг даргын захирамжийн дагуу томилогдсон ажлын хэсэг 2026 оны 10 дугаар сарын 20-ны өдөр тус сумын 1 дүгээр багт ажиллаж, орон нутгийн хөгжил болон иргэдийн хууль эрх зүйн мэдлэгт чиглэсэн хэд хэдэн чухал ажлыг зохион байгууллаа.Ажлын хэсэг дараах гурван үндсэн чиглэлээр үйл ажиллагаа явуулав. Үүнд:Орон нутгийн орлогын татварын төлөвлөгөөний биелэлт: Сумын төсвийн орлогын бүрдүүлэлтийг хангах, татварын төлөвлөгөөний биелэлтэд ахиц гаргах чиглэлээр иргэд, аж ахуйн нэгжүүдэд зөвлөн тусалж, нэгдсэн хяналт тавин ажиллалаа.Хууль тогтоомжийн сурталчилгаа: Монгол Улсын Их Хурал болон Засгийн газраас шинээр батлан гаргасан хууль, тогтоомж, журмуудыг иргэд, малчдад дэлгэрэнгүй танилцуулж, шаардлагатай мэдээ мэдээллээр хангалаа.Газрын зөрчил арилгах, мэдэгдэх хуудас хүргүүлэх: Зөвшөөрөлгүйгээр газар хашиж, газрын хууль тогтоомж зөрчсөн иргэдэд зөрчлийг арилгах тухай мэдэгдэх хуудсыг гардуулан өгч, хуулийн дагуу газар эзэмших, ашиглах талаар тайлбарлан санууллаа.Сумын Засаг даргын Тамгын газрын ажлын хэсэг цаашид бусад багуудад шат дараатайгаар ажиллаж, хууль тогтоомжийн хэрэгжилтийг хангахаас гадна иргэдийн ажиллаж, амьдрах таатай орчныг бүрдүүлэхэд анхаарч ажиллах юм.