Үүрэг хүлээсэн хэрэглэгчийн эрчим хүчний босго хэмжээ шинэчлэгдлээ

Батлагдсан байгууллага: Засгийн газрын тогтоол

МОНГОЛ УЛСЫН ЗАСГИЙН ГАЗРЫН ТОГТООЛ

2026 оны 10 сарын 21 өдөр

Дугаар 419

Улаанбаатар хот

ҮҮРЭГ ХҮЛЭЭСЭН ХЭРЭГЛЭГЧИЙН ЭРЧИМ ХҮЧНИЙ ХЭРЭГЛЭЭНИЙ БОСГО ХЭМЖЭЭГ ШИНЭЧЛЭН ТОГТООХ ТУХАЙ

Эрчим хүч хэмнэлтийн тухай хуулийн 5 дугаар зүйлийн 5.1.1 дэх заалтыг үндэслэн Монгол Улсын Засгийн газраас ТОГТООХ нь:

1."Тогтоолын хавсралт шинэчлэн батлах тухай" Засгийн газрын 2019 оны 05 дугаар сарын 01-ний өдрийн 181 дүгээр тогтоолын 3 дугаар хавсралтаар баталсан "Үүрэг хүлээсэн хэрэглэгчийг тодорхойлох, үүрэг хүлээсэн хэрэглэгчийн эрчим хүч хэмнэх хөтөлбөр, төлөвлөгөө, тэдгээрийг боловсруулах аргачлал, хэрэгжилтийг тайлагнах журам"-ын 2.7 дахь заалтад зааснаар "Үүрэг хүлээсэн хэрэглэгчийн эрчим хүчний хэрэглээний босго хэмжээ"-г хавсралт ёсоор шинэчлэн тогтоосугай.

2.Эрчим хүчний хэрэглээ нь энэ тогтоолын хавсралтаар тогтоосон босго хэмжээнээс давсан хэрэглэгчийг бүртгэж, хэрэгжилтэд хяналт тавьж ажиллахыг Эрчим хүчний зохицуулах хороо (Л.Жамбаа)-нд зөвлөсүгэй.

3.Энэ тогтоол гарсантай холбогдуулан "Үүрэг хүлээсэн хэрэглэгчийн эрчим хүчний хэрэглээний босго хэмжээг шинэчлэн тогтоох тухай" Засгийн газрын 2023 оны 02 дугаар сарын 08-ны өдрийн 67 дугаар тогтоолыг хүчингүй болсонд тооцсугай.

МОНГОЛ УЛСЫН ЕРӨНХИЙ САЙД Н.УЧРАЛ

ЭРЧИМ ХҮЧНИЙ САЙД Б.НАЙДАЛАА