Цагдаагийн төв байгууллагын хоёр албаны нэршил өөрчлөгдлөө

Батлагдсан байгууллага: Засгийн газрын тогтоол

МОНГОЛ УЛСЫН ЗАСГИЙН ГАЗРЫН ТОГТООЛ

2026 оны 10 сарын 21 өдөр

Дугаар 414

Улаанбаатар хот

ТОГТООЛД ӨӨРЧЛӨЛТ ОРУУЛАХ ТУХАЙ

Монгол Улсын Засгийн газрын тухай хуулийн 30 дугаар зүйлийн 1 дэх хэсэг, Цагдаагийн албаны тухай хуулийн 6 дугаар зүйлийн 6.2 дахь хэсгийг тус тус үндэслэн Монгол Улсын Засгийн газраас ТОГТООХ нь:

1."Цагдаагийн төв байгууллагын зохион байгуулалтын бүтцийг батлах тухай" Засгийн газрын 2017 оны 03 дугаар сарын 07-ны өдрийн 76 дугаар тогтоолын 2 дугаар зүйлийн "з" заалтын "Стратеги, бодлого, инновац, хөгжлийн алба;" гэснийг "Мэдээлэл, инновац, технологийн алба;" гэж, мөн зүйлийн "л" заалтын "Гэмт хэрэг, зөрчил шалгах алба." гэснийг "Зөрчил шалгах алба;" гэж тус тус өөрчилсүгэй.

2.Энэ тогтоолын хэрэгжилтийг цагдаагийн төв байгууллагын батлагдсан төсөв, орон тоонд багтаан зохион байгуулж, биелэлтэд хяналт тавьж ажиллахыг Хууль зүй, дотоод хэргийн сайд Г.Тэмүүлэнд даалгасугай.

МОНГОЛ УЛСЫН ЕРӨНХИЙ САЙД Н.УЧРАЛ

ХУУЛЬ ЗҮЙ, ДОТООД ХЭРГИЙН САЙД Г.ТЭМҮҮЛЭН