ТОГТООЛД НЭМЭЛТ ОРУУЛАХ ТУХАЙ (Засгийн газрын 2026 оны 394 дүгээр тогтоол)

Батлагдсан байгууллага: Засгийн газрын тогтоол

МОНГОЛ УЛСЫН ЗАСГИЙН ГАЗРЫН ТОГТООЛ

2026 оны 11 сарын 04 өдөр

Дугаар 435

Улаанбаатар хот

ТОГТООЛД НЭМЭЛТ ОРУУЛАХ ТУХАЙ

Гаалийн тариф, гаалийн татварын тухай хуулийн 4 дүгээр зүйлийн 4.9 дэх хэсэг, "Импортын барааны гаалийн албан татварын хувь, хэмжээ батлах тухай" Улсын Их Хурлын 1999 оны 06 дугаар сарын 03-ны өдрийн 27 дугаар тогтоолын 4, 5 дахь заалт, "Тогтоолд нэмэлт оруулах тухай" Улсын Их Хурлын 2026 оны 04 дүгээр сарын 10-ны өдрийн 07 дугаар тогтоолын 2 дахь заалтыг тус тус үндэслэн Монгол Улсын Засгийн газраас ТОГТООХ нь:

"Зарим хилийн боомтоор импортлох газрын тосны зарим бүтээгдэхүүний гаалийн албан татварын хувь, хэмжээ тогтоох тухай" Засгийн газрын 2026 оны 10 дугаар сарын 07-ны өдрийн 394 дүгээр тогтоолын "… 0 (тэг) хувиар" гэсний дараа ", Сүхбаатар, Алтанбулаг, Эрээнцав, Боршоо, Цагааннуур боомтоор импортолж байгаа 92 октантай автобензин болон дизелийн түлшний гаалийн албан татварын хувь, хэмжээг 2026 оны 11 дүгээр сарын 04-ний өдрөөс 2028 оны 12 дугаар сарын 31-ний өдрийг хүртэлх хугацаанд 0 (тэг) хувиар тус тус" гэж нэмсүгэй.

МОНГОЛ УЛСЫН ЕРӨНХИЙ САЙД Н.УЧРАЛ

АЖ ҮЙЛДВЭР, ЭРДЭС БАЯЛГИЙН САЙД Г.ДАМДИННЯМ