Налайхын 140 дугаар цэцэрлэг багшийн сургалтын үзэсгэлэнд II байрт шалгарлаа

“ЗОХИОЛД СУУРИЛСАН АРГА ЗҮЙ” СУРГАЛТ, ҮЙЛ АЖИЛЛАГААНЫ ТАЙЛАНТ ҮЗЭСГЭЛЭНД "ДЭД БАЙР"-НД ШАЛГАРЛАА.Налайх дүүргийн төрийн өмчийн 13 цэцэрлэгийн багш нарын дунд зохион байгуулагдсан “Зохиолд суурилсан арга зүй” сургалт, үйл ажиллагааны тайлант үзэсгэлэнд Нийслэлийн хүүхдийн 140 дүгээр цэцэрлэг амжилттай оролцлоо.Тус үйл ажиллагаанд манай цэцэрлэгийн багш О.Сүрэнхорлоо 2026 оны 01 дүгээр сараас 03 дугаар сарын хугацаанд хэрэгжүүлсэн “Бяцхан давхар байшин” төслийн үр дүн, ололт амжилт, шинэлэг арга зүйн туршлагаа танилцуулж, II байранд шалгарсан амжилт гаргалаа. Төслийн хүрээнд үлгэр, зохиолыг сургалтын үйл ажиллагааны үндэс болгон ашиглаж, хүүхдийн: Хэл яриа, өөрийгөө илэрхийлэх чадварСэтгэн бодох, математик сэтгэлгээБүтээлч сэтгэлгээ, төсөөлөн бодох чадварШинжлэн судлах, асуудал шийдвэрлэх арга барилыг хөгжүүлэхэд чиглэсэн үйл ажиллагааг үе шаттай хэрэгжүүлсэн юм.Мөн сургалтын явцад ашигласан бүтээлч хэрэглэгдэхүүн, хүүхэд бүрийн оролцоо, эцэг эхийн хамтын бүтээл, хүүхдийн хөгжлийн ахиц өөрчлөлтийг бодит жишээ, үр дүнгээр баяжуулан танилцуулж, туршлагаа бусад цэцэрлэгийн багш нарт түгээн дэлгэрүүллээ.Зохиол бол хүүхдийн ертөнцийг нээх түлхүүр, харин багшийн бүтээлч арга зүй бол хүүхдийн хөгжлийг хөтлөх хүч юм.Энэхүү амжилт нь багшийн тасралтгүй хөгжил, хүүхэд төвтэй сургалтын арга зүй, гэр бүл–цэцэрлэгийн хамтын ажиллагааны үнэ цэнийг илтгэсэн үр дүнтэй үйл ажиллагаа боллоо.