Арцсуурь, Гашуунсухайт, Шивээхүрэн, Тэс боомтоор ургамал, амьтны бүтээгдэхүүн нэвтрүүлнэ

Батлагдсан байгууллага: Засгийн газрын тогтоол

МОНГОЛ УЛСЫН ЗАСГИЙН ГАЗРЫН ТОГТООЛ

2026 оны 11 сарын 04 өдөр

Дугаар 437

Улаанбаатар хот

ТОГТООЛЫН ХАВСРАЛТАД НЭМЭЛТ, ӨӨРЧЛӨЛТ ОРУУЛАХ ТУХАЙ

Монгол Улсын Засгийн газрын тухай хуулийн 30 дугаар зүйлийн 1 дэх хэсэг, Ургамлын эрүүл мэнд, ургамал хамгааллын тухай хуулийн 19 дүгээр зүйлийн 19.1.1 дэх заалтыг тус тус үндэслэн Монгол Улсын Засгийн газраас ТОГТООХ нь:

1."Жагсаалт, журам батлах тухай" Засгийн газрын 2003 оны 07 дугаар сарын 15-ны өдрийн 173 дугаар тогтоолын 1 дүгээр хавсралтаар баталсан "Ургамал, ургамлын гаралтай бүтээгдэхүүн, зохицуулалттай эд, материал, амьтан, түүний үр, хөврөл үр, түүхий мах, дайвар бүтээгдэхүүн болон бичил биетний өсгөвөр, эмгэгт материалын дээжийг улсын хилээр нэвтрүүлэх боомтуудын жагсаалт"-ын "Нэг. Ургамал, ургамлын гаралтай бүтээгдэхүүн, зохицуулалттай эд, материал нэвтрүүлэх хилийн боомтууд:" гэсэн хэсэгт "10.Завхан аймгийн Арцсуурь;", "11.Өмнөговь аймгийн Гашуунсухайт;", "12.Өмнөговь аймгийн Шивээхүрэн;", "13.Увс аймгийн Тэс." гэж тус тус нэмсүгэй.

2.Мөн жагсаалтын "Долоо.Ургамал, ургамлын гаралтай бүтээгдэхүүн, зохицуулалттай эд, материалыг экспортлох боомтууд:" гэсэн хэсгийн "7.Завхан аймгийн Арцсуурь;", "8.Өмнөговь аймгийн Гашуунсухайт;", "9.Өмнөговь аймгийн Шивээхүрэн;" гэснийг тус тус хассугай.

3.Энэ тогтоолын хэрэгжилтийг хангаж ажиллахыг Хүнс, хөдөө аж ахуй, хөнгөн үйлдвэрийн сайд Ц.Идэрбат, Гаалийн ерөнхий газар (П.Дэлгэрнаран)-т тус тус даалгасугай.

МОНГОЛ УЛСЫН ЕРӨНХИЙ САЙД Н.УЧРАЛ

ХҮНС, ХӨДӨӨ АЖ АХУЙ, ХӨНГӨН ҮЙЛДВЭРИЙН САЙД Ц.ИДЭРБАТ