Р.Чойномын 90 жилийн ойд зориулсан соёлын арга хэмжээний хөтөлбөр

“Монгол бахархал – Соёлын бүтээлч сар” аяны хүрээнд Монголын түүх, соёл, утга зохиолын хөгжилд үнэтэй хувь нэмэр оруулсан эрхэм хүмүүсийн амьдрал, үйл хэрэг, үзэл санаа, уран бүтээлийг олон нийтэд сурталчлан таниулж байна.📜Монголын нэрт яруу найрагч Ринчиний Чойном нь уран бүтээлээрээ хүний эрхэм чанар, эрх чөлөө, шударга ёс, эх орон, нийгмийн мөн чанарын тухай гүн гүнзгий эргэцүүллийг илэрхийлж, монголын яруу найргийн хэл найруулга, дүрслэл, сэтгэлгээний хөгжилд өвөрмөц хувь нэмэр оруулсан уран бүтээлч юм. “МОНГОЛ БАХАРХАЛ-СОЁЛЫН БҮТЭЭЛЧ САР” аяны хүрээнд Р.Чойномын мэндэлсний 90 жилийн ойд зориулан дараах арга хэмжээнүүдийг танилцуулж байна.🔸Р.Чойномын мэндэлсний 90 жилийн ойг тэмдэглэх арга хэмжээний нээлт🔸“Р.Чойном-90 жил” үзэсгэлэн 🔸Монгол Улсын Ерөнхий сайдын ивээл дор ЕБС-ийн бага, дунд ангийн суралцагчдын дунд Р.Чойномын нэрэмжит “Миний Монгол” гар зургийн уралдаан🔸“Оюухай-2026” яруу найргийн 13 дахь наадам🔸Монгол Улсын Ерөнхий сайдын ивээл дор ЕБС-ийн дунд, ахлах ангийн суралцагчдын дунд “Эх орон”, “Эрх чөлөө” эсээ бичлэгийн уралдаан🔸“Р.Чойном” шилмэл бүтээлийн пянз гаргах🔸“Чойном-90 жил” судлал, шинжлэлийн улсын уралдаан, эрдэм шинжилгээний хурал