Хугацаат цэргийн албаа нэр төртэй хааж ирсэн дайчдыг угтан авлаа

2025 оны хоёрдугаар ээлжийн цэрэг татлагаар Ховд аймаг дахь Зэвсэгт хүчний 123 дугаар ангид татагдан, Монгол Улсын Үндсэн хуулиар хүлээсэн эх орноо батлан хамгаалах үүргээ нэр төртэй биелүүлж, хугацаат цэргийн албаа амжилттай хаан төрөлх нутагтаа ирсэн дайчдыг хүндэтгэлтэйгээр угтан авлаа.

Угтан авах арга хэмжээнд аймгийн Засаг даргын Тамгын газрын дарга Б.Мухамед, аймгийн ЗДТГ-ын Цэргийн штабын Орон нутгийн хамгаалалтын бэлтгэл, сургалтын офицер, дэд хурандаа Д.Одгэрэл нар оролцож, хугацаат цэргийн албаа амжилттай хаасан дайчдад баяр хүргэж, эх орныхоо өмнө хүлээсэн үүргээ нэр төртэй биелүүлсэнд талархал илэрхийлэв.

Мөн цэргийн алба хаах хугацаандаа эзэмшсэн мэдлэг, ур чадвар, төлөвшүүлсэн сахилга бат, хариуцлага, эх оронч үзэл санаагаа цаашдын ажил, амьдралдаа үр бүтээлтэй хэрэгжүүлж, орон нутгийнхаа хөгжил дэвшилд хувь нэмрээ оруулахыг хүсэн ерөөлөө.

Эх орныхоо өмнө хүлээсэн үүргээ нэр төртэй биелүүлж, хугацаат цэргийн албаа амжилттай хаасан нийт дайчдадаа цаашдын ажил, амьдралд нь өндөр амжилт, эрүүл энх, аз жаргал, сайн сайхан бүхнийг хүсэн ерөөе!