Баян-Өлгий аймгаар 600 гаруй ахмад настан баярын арга хэмжээнд цугларлаа

Улс орныхоо хөгжил цэцэглэлт, бүтээн байгуулалт, ирээдүй хойч үеийнхээ сайн сайхан амьдралын төлөө залуу нас, хөдөлмөр зүтгэлээ зориулсан ахмад настнууддаа хүндэтгэл үзүүлэх арга хэмжээг аймгийн Засаг даргын Тамгын газар, аймгийн Ахмадын хороо хамтран зохион байгууллаа.

Тус арга хэмжээнд аймгийн Засаг даргын орлогч К.Бахытжан, аймгийн Засаг даргын Тамгын газрын дарга Б.Мухамед, аймгийн Ахмадын хорооны дарга Х.Бейбитхан нар оролцож, өнөөгийн хөгжил дэвшилд үнэтэй хувь нэмэр оруулсан ахмад буурлууддаа гүн хүндэтгэл илэрхийлэн, баярын мэндчилгээ дэвшүүлэв.

Арга хэмжээний үеэр улс, орон нутгийнхаа хөгжилд олон жил үр бүтээлтэй ажилласан зарим ахмад настанд төрийн одон, медаль гардуулав. Хүндэтгэлийн арга хэмжээнд аймгийн ахмад настнуудын төлөөлөл болсон 600 гаруй ахмад буурал оролцож, баярын өдрөө хамтдаа тэмдэглэн өнгөрүүлэв.

Нэгдсэн Үндэстний Байгууллагаас 1990 онд жил бүрийн 10 дугаар сарын 1-ний өдрийг Олон улсын ахмадын өдөр болгон тэмдэглэх шийдвэр гаргасан бөгөөд Монгол Улс 1992 оноос эхлэн уг өдрийг тэмдэглэж ирсэн уламжлалтай