Соёл, спортын үйл ажиллагаанд хүүхдийн аюулгүй байдал, эрхийг хамгаалах шинэ журам батлагдлаа

СОЁЛ, СПОРТЫН ҮЙЛ АЖИЛЛАГААНД ХҮҮХДИЙН АЮУЛГҮЙ БАЙДАЛ, ЭРХИЙГ ХАМГААЛАХ ШИНЭ ЖУРАМ БАТЛАГДЛААХүүхдийн эрхийг хамгаалах, тэдний авьяас билэг, бие бялдраа хөгжүүлэх соёл, спортын үйл ажиллагаа, тэмцээн уралдааныг аюулгүй, эрсдэлгүй орчинд зохион байгуулахтай холбоотой харилцааг зохицуулсан "Соёл, спортын үйл ажиллагаанд хүүхдийг оролцуулах, эрхийг хамгаалах журам" батлагдан хэрэгжиж эхэллээ. https://legalinfo.mn/mn/detail?lawId=17436738400902 Уг журмыг Хүүхэд, гэр бүлийн хөгжил, хамгааллын ерөнхий газар, Соёл, урлагийн газар, Биеийн тамир, спортын улсын хороо хамтран баталсан юм. ЖУРМЫН ГОЛ ОНЦЛОГ БОЛОН АНХААРАХ ЗҮЙЛС1️⃣ Эцэг эх, асран хамгаалагчийн бичгээр өгсөн зөвшөөрөлХүүхдийг соёл, урлагийн тоглолт, спортын уралдаан тэмцээн, аялал зугаалга болон бусад арга хэмжээнд оролцуулахдаа заавал эцэг эх, асран хамгаалагчийн бичгээр өгсөн зөвшөөрлийг авсан байна. Мөн яаралтай үед холбоо барих мэдээлэл, хүүхдийн эрүүл мэндийн онцлогийг заавал авсан байна. 2️⃣ Эрсдэлийн урьдчилсан үнэлгээ заавал хийнэЗохион байгуулагч болон оролцуулагч талууд арга хэмжээ эхлэхээс өмнө орчны аюулгүй байдал, байрлах байр, зам тээвэр, хоол хүнсний эрсдэлийн үнэлгээг заавал хийж, эрсдэлийг бууруулах арга хэмжээ авсан байх шаардлагатай. 3️⃣ Хүүхдийн хичээл, сургуулилтын цагийн тэнцвэр• Насанд хүрээгүй хүний долоо хоногийн ажлын болон бэлтгэлийн цаг 30 цагаас илүүгүй байна. • Шөнийн үзүүлбэр, арга хэмжээнд хүүхдийг 19:00 цагаас хойш оролцуулахгүй байх нарийн хуваарь баримтална. • Тэмцээн, сургалтын улмаас хичээл хоцорсон тохиолдолд сургууль, багшийн зүгээс хичээл нөхөх, тасалдал арилгах нөхцөлийг заавал бүрдүүлнэ. 4️⃣ Аюулгүй тээвэрлэлтийн стандартХүүхэд тээвэрлэхдээ аюулгүй байдлын MNS 4598 болон MNS 6440:2014 стандартыг хангасан тээврийн хэрэгсэл ашиглана. • Жолооч болон хариуцагч багш нар анхны тусламжийн сургалтад хамрагдсан байх; • Зуны улиралд 20:00 цагаас хойш, өвлийн улиралд 18:00 цагаас хойш хувийн унаагаар хоорондоо тээвэрлэхгүй байх; • Тээвэрлэлтийн явцад 2 цаг тутамд 15 минут амрах нөхцөлийг бүрдүүлнэ. 5️⃣ Тэгш оролцоо ба төлбөр хураамжХөгжлийн бэрхшээлтэй, бүтэн өнчин, асрамж хамгаалалд байгаа болон 13 хүртэлх насны оролцогч хүүхдээс тэмцээний мандат, төлбөр хураамж авахгүй. 6️⃣ Хүүхдийн нэр төр, хувийн нууцыг хамгаалахХүүхдийн зөвшөөрөлгүйгээр зураг, дүрс бичлэгийг олон нийтийн сүлжээнд нийтлэхийг хориглох бөгөөд сэтгэл санааны дарамт үзүүлэх, нэр хоч өгөх, үе тэнгийн дээрэлхэлтэд өртүүлэхээс урьдчилан сэргийлж ажиллана. Мэдээлэх, гомдол гаргах: Соёл, спортын үйл ажиллагааны үеэр хүүхдийн эрх зөрчигдсөн, аюулгүй байдал алдагдсан тохиолдолд Хүүхдийн тусламжийн утас 108 болон Хүүхдийн эрхийн улсын байцаагчид даруй мэдээлнэ үү. 💡 Энэхүү мэдээллийг соёл, спортын клуб, сургууль, дасгалжуулагч багш нар болон эцэг эхчүүдэд түгээн хүүхдийнхээ эрүүл, аюулгүй байдлыг хамтдаа сахин хамгаалцгаая! Эх сурвалж: "Эрдмийн далай" сургууль