Баянхонгорт хүүхдийн шүдний эрүүл мэндийн жүүж тоглож эхэллээ

Монгол Улсын Хүүхэлдэйн театрын урын сангийн шилдэг уран бүтээлүүдийн нэг болох зохиолч Н.Мандалын “Миний хөөрхөн шүдний аялал” хүүхэлдэйн жүжиг франчайзингийн эрхийн хүрээнд Баянхонгор аймгийн Тэмүжин театрын уран бүтээлчдийн тоглолтоор тайзнаа амилж, тус аймгийн хүүхэд багачуудын хүртээл болж эхэллээ.Хүүхэд багачуудын нас, сэтгэхүйн онцлогт нийцүүлэн бүтээсэн энэхүү жүжиг нь хүүхдэд амны хөндийн эрүүл мэндийн талаарх мэдлэг, ойлголтыг сонирхолтой, хөгжилтэй байдлаар хүргэхийн зэрэгцээ шүдээ зөв угаах, арчлах, амны хөндийн эрүүл ахуйг сахих дадал хэвшлийг бага наснаас нь төлөвшүүлэхэд чиглэсэн онцлогтой юм.Хүүхэлдэйн урлагийн уран сайхны илэрхийлэл, дүрүүдийн сонирхолтой адал явдал, үйл явдлын өрнөлөөр дамжуулан хүүхдүүдэд эрүүл мэндийн зөв мэдлэг, зөв дадлыг ойлгомжтой, хүртээмжтэй хүргэж буй нь уг бүтээлийн боловсролын чухал ач холбогдол юм.Улсын Хүүхэлдэйн театрын зүгээс өөрийн урын сангийн уран бүтээлийг франчайзингийн хэлбэрээр орон нутгийн театрт хүргэж байгаа нь хүүхэлдэйн урлагийн хүртээмжийг нэмэгдүүлэх, мэргэжлийн уран бүтээлийг орон нутагт түгээн дэлгэрүүлэх, театр хоорондын хамтын ажиллагааг өргөжүүлэхэд чухал ач холбогдолтой.Ийнхүү “Миний хөөрхөн шүдний аялал” жүжиг Баянхонгор аймгийн бяцхан үзэгчдэд хүрч, хүүхэлдэйн урлагаар дамжуулан хүүхдийн эрүүл мэнд, боловсрол, зөв дадал хэвшилд хувь нэмрээ оруулж байгаад баяртай байна.Хүүхэд бүр эрүүл шүдтэй, инээд дүүрэн байг! 🦷💛