Өмнөговь аймаг 2.2 сая толгой малын өвөлжилтийн бэлтгэлийг 89.9% хангалаа

Монгол Улсын Засгийн газрын 2026 оны “Хүнс, хөдөө аж ахуйн салбарын 2026-2027 оны өвөлжилт, хаваржилтын бэлтгэл хангах зарим арга хэмжээний тухай” 286 дугаар тогтоолын дагуу аймгийн хэмжээнд бэлтгэвэл зохих өвс, тэжээлийн аюулгүйн нөөцийн төлөвлөгөөгөөр 660,0 тонн өвс бэлтгэхээс 989,0 тонн, 206 тонн тэжээл бэлтгэхээс 431,5 тонн хивгэн тэжээл бэлтгэж 100 хувийн гүйцэтгэлтэй байна. Хүнс, хөдөө аж ахуйн сайдын “Мал өвөлжилт, хаваржилтын бэлтгэл хангах, шалгах, дүгнэх” А/71 тушаалаар Өмнөговь аймаг нь Мал аж ахуйн салбарын 2026-2027 оны өвөлжилт, хаваржилтын бэлтгэлийг 89,9% хангаж ажиллаа. - Аймгийн хэмжээнд 2,2 сая толгой мал өвөлжинө. Нийт малыг хонин толгойд шилжүүлснээр 3,6 сая толгой мал өвөлжиж хаваржина. - Малын тарга хүч 74,0 хувьтай, дундаас дээш тарга хүчтэй 70% байна. - Бэлчээрийн хүрэлцээ хангамж 79.0% - Өөр аймагт 78 өрхийн 31,2 мян толгой мал /Өвөрхангай-32, Дундговь-20, Дорноговь -18 өрх/, өөрийн аймгийн бусад сумдад 66 өрхийн 28,7 мян толгой мал, нийт малчин өрхийн 2,5 хувь нь 150 малчин өрхийн 63,5 отроор өвөлжиж хаваржина. - Байран тэжээлд 1432 толгой мал орох бол - Нэмэгдэл тэжээлд 225198 мянган толгой мал орохоор, нийт мал сүргийн 6,7%-г эзлэж байна. - Малчдын түвшинд бэлтгэх өвс, тэжээлийн даалгаварыг 86,8% буюу 8370 тн өвс, 290 тн ногоон тэжээл, 3210 тн үйлдвэрийн болон гар тэжээл, 6700 тн хужир шүү бэлтгэсэн. - Аймаг, сумын аюулгүйн нөөцийн өвс, тэжээлийн бэлтгэлийг 98,3% - Ашиглахад бэлэн бэлчээрийн уст цэг 5025 буюу нийт уст цэгийн 88,5%, - Усаар хангагдсан өрхийн тоо 5280 буюу нийт малчин өрхийн 88,2% - Малын хашаа хорооны хангамж 92,4%, шинээр бодын 5, богийн 10 хашаа барьсан. - Мал эмнэлгийн арга хэмжээ 90,3% - Хашаа саравчаа засаж тохижуулсан, ариутгал хийсэн 88,7% - Малчин өрхийн хувийн бэлтгэл 87,0% хангасан.