Гамшгийн үед хүүхдийг хамгаалах шинэ стандартын төсөлд 11-р сарын 15-ны дотор санал өгнө үү

“Стандартчилал, техникийн зохицуулалт, тохирлын үнэлгээний итгэмжлэлийн тухай” хуулийн 11 дүгээр зүйлийн 11.3 дахь хэсгийг үндэслэн Хүүхдийн хөгжил, хамгааллын стандартчиллын техникийн хороо (ТХ46)-ны хурлаар хэлэлцүүлэхээр MNS 6948:2026 “Гамшгаас хамгаалах үйл ажиллагаан дахь хүүхэд хамгааллын үйлчилгээ. Нийтлэг шаардлага” стандартын төслийн бэлтгэл ажлыг хангаж байна.Та бүхэн стандартын төсөлд санал өгснөөр гамшгийн үеийн хүүхэд хамгааллын үйлчилгээний шаардлагыг боловсронгуй болгох, хүүхдийн эрх, аюулгүй байдлыг хамгаалахад чиглэсэн зохицуулалтыг сайжруулахад чухал ач холбогдолтой тул санал, зөвлөмжөө 2026 оны 11 дүгээр сарын 15-ны өдрийн дотор ирүүлэхийг урьж байна.Стандартын төслийг Стандарт, хэмжил зүйн газрын www.estandard.gov.mn цахим хуудасны “Мэдээ, мэдээлэл” хэсгийн “Стандартын төсөлд санал авч байна” хэсгээс стандартын нэрээр хайж үзээрэй.