Мөнгөний бодлогын хорооны шийдвэрийг танилцуулах хэвлэлийн хуралд Монголбанкны Ерөнхийлөгч С.Наранцогтын хэлсэн үг
AI хураангуйOpenRouter · nemotron-3-ultra-550b-a55b:free
- Монголбанкны Мөнгөний бодлогын хороо бодлогын хүүг 12.5%-д хэвээр хадгалаа.
- Инфляц 8 дугаар сард 12.5% байсан бөгөөд суурь инфляц 6.8%-д тогтворж байна.
- Эдийн засаг 7.7% өссөн боловч өрхийн хэрэглээ сул, эрсдэл хэвээр байгаа тул дараагийн хүүг тохируулах болно.
AIБаримт vs пи-арAI-ийн үнэлгээ, буруутгал биш
Баримт
- Бодлогын хүү: 12.5 хувь (хэвээр хадгалагдлаа)
- Хуралын огноо: 2026 оны 9 сарын 16, 17
- Жилийн инфляц (улсын хэмжээнд): 12.5 хувь (2026 оны 8 дугаар сар)
- Жилийн инфляц (Улаанбаатар): 11.6 хувь
- Суурь инфляц: 6.8 хувь
- Эдийн засагийн өсөлт (эхний хагас): 7.7 хувь
- Өрхийн бодит хэрэглээний бууралт (2 дахь улирал): 4.9 хувь
- Гадаад валютын албан нөөц: 8.36 тэрбум ам.доллар
Нэр, байгууллагаAI ялгасан
Эх текст · албан ёсны2026 оны 9-р сарын 17-нд нийтлэгдсэн
Та бүхэнд энэ өдрийн мэндийг хүргэе!
Монголбанкны Мөнгөний бодлогын хороо 2026 оны 9 дүгээр сарын 16, 17-ны өдрүүдэд хуралдаж, макро эдийн засаг, инфляц болон санхүүгийн салбарын эрсдэлийн төлөвийг хэлэлцэн Мөнгөний бодлогын төлөвийг хэвээр хадгалах шийдвэр гаргалаа. Өөрөөр хэлбэл, бодлогын хүүг 12.5 хувьд хэвээр хадгаллаа. Энэ нь инфляцын эрсдэлийг хязгаарлахын зэрэгцээ санхүүгийн нөхцөлийг огцом чангаруулж өрхүүд болон аж ахуйн нэгжүүдийн санхүүгийн ачааллыг нэмэгдүүлэхгүй байх тэнцвэртэй шийдвэр юм.
Өнөөгийн нөхцөлд бодлогын хүүг бууруулах инфляцын дарамт бүрэн арилаагүй, харин нэмж чангаруулбал эдийн засгийн идэвхжил, өрхийн хэрэглээнд илүү хүчтэй дарамт учрах эрсдэлтэй байна. Инфляцын хувьд, 2026 оны 8 дугаар сард жилийн инфляц улсын хэмжээнд 12.5 хувь, Улаанбаатар хотод 11.6 хувь болж өмнөх сараас бага зэрэг буурлаа. Мах, хүнсний ногооны нийлүүлэлт нэмэгдсэн нь энэ бууралтад голлон нөлөөлсөн. Мөн суурь инфляц 6.8 хувьтай байгаа нь үнийн өсөлтийн суурь дарамт тогтворжиж эхэлснийг харуулж байна. Гэхдээ шатахуун, эрчим хүч, цалин болон төсвийн зардлын өсөлтөөс шалтгаалан инфляц дахин нэмэгдэх эрсдэл хэвээр байна. Иймээс МБХ өнөөдрийн инфляцын бууралтаас гадна ирэх улирлуудад үүсэж болзошгүй дарамтыг хамтад нь харгалзан болгоомжтой шийдвэр гаргалаа.
Эдийн засаг 2026 оны эхний хагаст 7.7 хувиар өссөн боловч өсөлт голчлон уул уурхай, тээврийн салбарт төвлөрч байна. Уул уурхайн бус салбаруудын идэвхжил сул, өрхийн бодит хэрэглээ 2 дугаар улиралд 4.9 хувиар агшсан нь бодлогын хүүг огцом нэмэгдүүлэх орон зай хязгаарлагдмал байгааг харуулж байна. Гадаад валютын албан нөөц 8.36 тэрбум ам.долларт хүрсэн нь төгрөгийн ханшийн тогтвортой байдал, гадаад шокийг даван туулах чадавхыг дэмжиж байна. Цаашид Мөнгөний бодлогын хороо төсвийн зардлын тэлэлт, шатахууны импортын нөхцөл байдал, эрчим хүчний үнийн нөлөө болон гадаад орчны эрсдэлийг анхааралтай ажиглаж, шаардлагатай тохиолдолд бодлогын дараагийн арга хэмжээг цаг тухайд нь авах болно.
Анхаарал хандуулсан та бүхэнд баярлалаа.
Цэвэрлэсэн текстийн SHA-256 хэш: хэн ч эх хуудсыг дахин татаж шалгах боломжтой.