УЛСЫН ИХ ХУРЛЫН ГИШҮҮН, МОНГОЛ УЛСЫН САЙД, ЗАСГИЙН ГАЗРЫН ХЭРЭГ ЭРХЛЭХ ГАЗРЫН ДАРГА С.БЯМБАЦОГТ УВС АЙМАГТ АЖИЛЛАЛАА.

УЛСЫН ИХ ХУРЛЫН ГИШҮҮН, МОНГОЛ УЛСЫН САЙД, ЗАСГИЙН ГАЗРЫН ХЭРЭГ ЭРХЛЭХ ГАЗРЫН ДАРГА С.БЯМБАЦОГТ УВС АЙМАГТ АЖИЛЛАЛАА.

Улсын их хурлын гишүүн, Монгол Улсын сайд, Засгийн газрын хэрэг эрхлэх газрын дарга С.Бямбацогт 2026.01.31-2026.02.02-ны хооронд Увс аймагт ажиллалаа. Увс аймаг ажиллах үеэрээ Улаангомоос Увс нуур чиглэлийн хатуу хучилттай авто замын ажлын явцтай танилцаж, Улаангом суманд үйл ажиллагаа явуулдаг гутлын үйлдвэр,оймсны үйлдвэрээр зочиллоо.Мөн галд өртсөн Шинэ Улаангом захын түрээслэгчидтэй уулзаж, цаашид авч хэрэгжүүлэх арга хэмжээний талаар санал солилцож, Ойрад театрт Увс аймгийн иргэдтэй уулзалт хийлээ.

Уулзалтаар улс орны одоогийн нөхцөл байдал , Увс аймагт хийгдэх бүтээн байгуулалтын ажлуудын талаар мэдээлэл хийж ,иргэдийн асуусан асуултад хариулт өгч, санал солилцож ярилцлаа.Энэ онд Увс аймагт Ховд-Улаангомыг холбох замын ажил үргэлжлэн хийгдэж,Улаангом-Увс нуур чиглэлийн 26 км хатуу хучилттай авто зам ашиглалтад орно. Сагил сум болон Улаангом-Баруунтуруун чиглэлийн авто замын ажил эхлэх юм байна.

Мөн боловсрол эрүүл мэндийн салбарынхны цалингийн нэмэгдэлтэй холбоотой ,мөн уг нэмэгдлээс соёл спортын салбарынхан, төрийн захиргааны алба хаагчид орхигдсон зэрэг ТАХ-ын цалин урамшууллын ялгаатай байгаа асуудлыг хөндөж ТАХ-чид асуулт асууж хариулт авлаа.

Түүнчлэн Өлгий ,Өмнөговь сумдад ажиллаж иргэдтэй уулзалт хийж тулгамдаж буй асуудлыг нь сонслоо.Өмнөговь сумын хувьд багтаамж нь дүүрч барилга нь хуучирсан Өмнөговь сумынхаа ЕБС-ийн барилгыг шинэчлэх,эрүүл мэндийн төвийн барилгыг ая тухтай дулаан болгож шинэ автомашинтай болгох. Хадлан тэжээлээ авахад нэн хэрэгцээтэй ЗИЛ-131 машин эсхүл гүүрний асуудлыг судалж шийдвэрлэхээр болсон бол Өлгий сумын хувьд замтай болгож, малын гаралтай үнэгүйдсэн түүхий эдийг үнэ цэнтэй болгоход анхаарч ажиллахаа илэрхийллээ.