ТӨРИЙН АЛБАН ХААГЧИЙН ЧАДАВХ БЭХЖҮҮЛЭХ БАРУУН БҮСИЙН НЭГДСЭН УУЛЗАЛТ, АРГА ХЭМЖЭЭ” УВС АЙМАГТ ЗОХИОН БАЙГУУЛАГДАЖ БАЙНА.

Төрийн албаны зөвлөл, Ёс зүйн хороо, Хүний эрхийн Үндэсний Комисс, Засгийн газрын Хэрэг эрхлэх газар, Жендэрийн үндэсний хорооны Ажлын алба, Удирдлагын академи болон Канад-Монголын Мерит төсөл хамтран “Төрийн албан хаагчийн чадавх бэхжүүлэх баруун бүсийн нэгдсэн уулзалт, арга хэмжээ”-г Увс аймагт зохион байгуулж байна.🔹Тус арга хэмжээний эхний уулзалт 2026 оны 10 дугаар сарын 20–21-ний өдрүүдэд баруун бүсийн төв Увс аймгийн Улаангом хотод болж байгаа бөгөөд Баян-Өлгий, Говь-Алтай, Ховд, Увс аймгийн төрийн албан хаагчдын 400 гаруй төлөөлөл оролцож байна.🔹Уулзалт, арга хэмжээний хүрээнд төрийн албан хаагчдын мэдлэг, ур чадварыг дээшлүүлэх, мэргэжлийн чадавхыг бэхжүүлэх, төрийн албаны ёс зүй, хариуцлага, хүний эрх, жендэрийн тэгш байдлын талаарх ойлголтыг нэмэгдүүлэхэд чиглэсэн үйл ажиллагааг хэрэгжүүлж байна.🔹Канад-Монголын Мерит төсөл нь 2025–2030 онд дээрх төрийн байгууллагуудтай хамтран Монгол Улсад иргэн төвтэй, тэгш хүртээмжтэй, хариуцлагатай, хүний эрх болон ёс зүйг дээдэлсэн төрийн албыг төлөвшүүлэн бэхжүүлэхэд дэмжлэг үзүүлэн ажиллах юм.🔹Энэхүү нэгдсэн арга хэмжээ нь төрийн байгууллагуудын хамтын ажиллагааг өргөжүүлэх, төрийн албан хаагчдын чадавхыг нэмэгдүүлэх, иргэдэд үзүүлэх төрийн үйлчилгээний чанар, хүртээмжийг сайжруулахад чухал ач холбогдолтой юм.