Сүхбаатар дүүргийн 15 мянган хүүхдийг 10-р сарын 1-нээс эрүүл мэндийн үзлэгт хамруулна

СУРГУУЛЬ, ЦЭЦЭРЛЭГИЙН ЭМЧ НАРТ МЭДЛЭГ, УР ЧАДВАРЫГ ДЭЭШЛҮҮЛЭХ СУРГАЛТЫГ ЗОХИОН БАЙГУУЛЛАА

Нийтэлсэн огноо: 2026-09-23 09:00

Үзсэн: 58045

✅Дүүргийн хэмжээнд цэцэрлэг, сургуульд суурилсан хүүхдийн эрүүл мэндийн урьдчилан сэргийлэх үзлэг, эрт илрүүлгийг ирэх 10 дугаар сарын 01-ний өдрөөс зохион байгуулахаар бэлтгэлийг хангаж байна. Уг үзлэг, эрт илрүүлгийг чанартай, үр дүнтэй зохион байгуулах, хүүхдийн нас, хөгжлийн онцлогт тохирсон эрүүл мэндийн эрсдэлийг зөв тодорхойлох, үнэлгээ хийх юм. Энэ ажлын хүрээнд Эрүүл мэндийн төвөөс ерөнхий боловсролын сургууль, цэцэрлэгийн эмч нарын мэдлэг, ур чадварыг дээшлүүлэх мэргэжил, арга зүйн сургалтыг зохион байгууллаа. Сургалтыг АШУҮИС-ийн Хүүхдийн анагаахын тэнхимийн багш, Анагаах ухааны доктор, Хүний гавьяат эмч, Б.Баясгалан, ЭМТ-ийн Хүүхдийн ерөнхий зохицуулагч, Анагаах ухааны магистр, хүүхдийн ахлах зэргийн эмч Г.Сарантуяа нар удирдан явуулав. Урьдчилан сэргийлэх, эрт илрүүлгийг үзлэгт төрийн болон төрийн бус өмчийн 56 цэцэрлэг, 54 ерөнхий боловсролын сургуулийн 15 мянга гаруй хүүхдийг хамруулахаар төлөвлөсөн бөгөөд үзлэгийг боловсролын байгууллага болон Өрхийн эрүүл мэндийн төвүүд хамтран зохион байгуулах хуваарь гаргаад байна.

Нийтлэлийг хуваалцах