Сүхбаатар дүүргийн 120 хүн орон нутгийн хамгаалалтын сургалтад хамрагдлаа

ОРОН НУТГИЙН ХАМГААЛАЛТЫН ТОМИЛГООТ НЭГЖИЙН ХЭЭРИЙН ДАДЛАГА, СУРГАЛТЫН ЗОХИОН БАЙГУУЛАВ

Нийтэлсэн огноо: 2026-09-22 11:20

Үзсэн: 59088

Сүхбаатар дүүргийн Орон нутгийн хамгаалалтын томилгоот нэгжийн хээрийн дадлага, сургалтын энэ сарын 14-18-ний өдрүүдэд Зэвсэгт хүчний сургалтын нэгдсэн төвд зохион байгууллаа. Орон нутгийн хамгаалалтын тухай хуулийн дагуу энэхүү дадлага, сургуулийг дүүргийн ЗДТГ-ын алба хаагчид болон 10 хорооны нийт 120 орчим хүний бүрэлдэхүүнтэй хийж, томилгоот нэгж ямар үүрэг гүйцэтгэх, удирдлага-зохион байгуулалтыг хангах, харилцан ажиллагааг хэрхэн сайжруулах, бодит нөхцөлд яаж ажиллах, гамшиг, онцгой нөхцөл байдал үүссэн тохиолдолд харилцан ажиллагаа, бэлэн байдлыг хангах чиглэлээр мэдлэг, дадлага ажлыг гүйцэтгэсэн юм. Дүүргийн Орон нутгийн хамгаалалтын томилгоот нэгжийн хээрийн дадлага, сургуулийн гол онцлог нь эмэгтэйчүүд оролцсон нь онцлог байв. Дадлага, сургалтын хаалтын арга хэмжээнд нийслэлийн Засаг даргын Тамгын газрын Цэргийн штабын дарга хурандаа Г.Ялалт, дүүргийн ИТХ-ын төлөөлөгч, Засаг дарга М.Алтангэрэл болон холбогдох албаны бусад хүмүүс оролцон анх удаа зохион байгуулсан Орон нутгийн хамгаалалтын томилгоот нэгжийн бие бүрэлдэхүүнд баяр хүргэж, дадлага, сургуулиар олж авсан мэдлэг, чадвараа өдөр тутмын амьдралдаа хэрэгжүүлэх чухал гэдгийг онцолсон.

Нийтлэлийг хуваалцах