“МОНГОЛ КИНО НЭГТГЭЛ” ТӨРИЙН ӨМЧИТ ҮЙЛДВЭРИЙН ГАЗРЫН ТӨЛӨӨЛӨН УДИРДАХ ЗӨВЛӨЛИЙН ХАРААТ БУС ГИШҮҮНИЙГ СОНГОН ШАЛГАРУУЛНА

“Төрийн өмчийн бодлого зохицуулалтын газрын даргын 2022 оны А-1/615 дугаар тогтоолоор батлагдсан “Монгол кино нэгтгэл” төрийн өмчит үйлдвэрийн газрын шинэчилсэн дүрэмд уг байгууллага нь удирдах зөвлөлтэй байх, удирдах зөвлөлийн бүрэлдэхүүнийг Соёлын сайд холбогдох байгууллагуудтай зөвшилцөн батлахаар тусгагдсан.

“Монгол кино нэгтгэл” төрийн өмчит үйлдвэрийн газрын удирдах зөвлөл нь нийт 7 гишүүнтэй байх бөгөөд Соёлын асуудал эрхэлсэн Төрийн захиргааны байгууллагын төлөөлөл 3 , Төрийн өмчийн асуудал эрхэлсэн Төрийн захиргааны байгууллагын төлөөлөл 2, мэргэжлийн төрийн бус байгууллагын төлөөлөл 2 гишүүнээс бүрдэх юм.

Иймд хараат бус гишүүн буюу мэргэжлийн Төрийн бус байгууллага, уран бүтээлчийн төлөөлөлд кино үйлдвэрлэлийн чиглэлийн мэргэжилтэн, мэргэжлийн туршлагатай уран бүтээлч, медиа инженер, техникийн мэргэжилтэй та бүхнийг нэр дэвшихийг урьж байна.

Хараат бус гишүүнд нэр дэвшигчид тавигдах шаардлага:

1.Тухайн хуулийн этгээдийн Төлөөлөн удирдах зөвлөлийн гишүүний үүргийг гүйцэтгэхэд шаардагдах ур чадвар, мэдлэг боловсрол, ажлын туршлагатай байх.

2.Тухайн хуулийн этгээдийн Төлөөлөн удирдах зөвлөлийн гишүүн байхад ашиг сонирхол үүсгэхгүй байх.

3.Нэр дэвшигч өөрөө, эсхүл нэгдмэл сонирхолтой этгээд нь төрийн болон төрийн өмчийн асуудал эрхэлсэн Төрийн захиргааны байгууллагын төлөөлөл бус мэргэжлийн төрийн бус байгууллагын төлөөлөл байх.

4.Төрийн үйлчилгээнийхээс бусад төрийн алба хашдаггүй.

5.Тухайн үйлдвэрийн газартай бизнесийн аливаа холбоогүй.

Жич: Кино урлагийн салбарын талаар 5-аас доошгүй жилийн мэдлэг, туршлагатай байх, компанийн засаглал зэргээр мэргэшсэн байвал давуу тал болно.

Бүрдүүлэх материал:

1.Сонгон шалгаруулалтад оролцох хүсэлт (үйлдвэрийн газрын сонгон шалгаруулалтад оролцох хүсэлтэй байгаагаа тодорхой бичих);