Хяргас сумын бэлчээр ашиглалтын журамтай танилцаарай

Хяргас сумын иргэдийн Төлөөлөгчдийн Хурлын 2025 оны 10 дугаар сарын 03-ны өдрийн 20 дугаар тогтоолоор “Хяргас сумын бэлчээр ашиглах журам” батлагдсан.

Уг журам нь Захиргааны хэм хэмжээний актын улсын нэгдсэн санд 2025 оны 10 дугаар сарын 22-ны өдөр 7384 дугаарт бүртгэгдсэн.

ЖУРАМ ЯАГААД ЧУХАЛ ВЭ?

Бэлчээр бол малчдын амьдрал, мал сүргийн ашиг шимтэй шууд холбоотой нийтийн хамтын баялаг юм. Тиймээс бэлчээрийг:

Даацад нь тохируулан зөв зохистой ашиглах

Өвөлжөө, хаваржаа, зуслан, намаржааны бүсийг зохистой ашиглах

Бэлчээр ашиглалтын хуваарь, хугацааг мөрдөж, хугацаанд нь чөлөөлөх

Хадлан болон нөөц бэлчээрийг хамгаалах

Гаднаас отор, нүүдлээр ирэх мал сүрэгт тавих шаардлагыг мөрдүүлэх

Гол, булаг шанд болон байгаль орчныг хамгаалах зэрэг харилцааг энэхүү журмаар зохицуулсан.

Мөн өвөлжөө, хаваржаа, зуслан, намаржааны бүс нутагт шинээр бууц барих, бэлчээрийг дур мэдэн ашиглах, зөвшөөрөлгүйгээр гаднын мал оруулах зэрэг асуудлыг зохицуулсан.

ТОВЧХОНДОО

Энэ журам нь бэлчээрийг хэн нэгэн дур мэдэн ашиглах тухай бус, харин нийтийн бэлчээрийн нөөцийг хамгаалж, малчид нийтээрээ зөв зохистой ашиглах нөхцөлийг бүрдүүлэхэд чиглэнэ.

БЭЛЧЭЭР БОЛ НЭГ МАЛЧНЫ БУС, НИЙТ МАЛЧДЫН ХАМТЫН БАЯЛАГ ЮМ.

Зөв зохистой ашиглаж, ирээдүйдээ үлдээе.

Журмын бүрэн эхтэй танилцах: