"Эм, эмнэлгийн хэрэгслийн үнийн цахим мэдээллийн нэгдсэн санг ажиллуулах журам"-ын төсөл санал авч байна.

"Эм, эмнэлгийн хэрэгслийн үнийн цахим мэдээллийн нэгдсэн санг ажиллуулах журам"-ын төсөл санал авч байна.

2026-08-27 05:24:00

Эм, эмнэлгийн хэрэгслийн тухай хуулийн “47.12.Хангамжийн шатлал бүрд эмийн нэр төрөл, үнэ, цувралын мэдээлэл солилцох байгууллага хоорондын цахим мэдээллийн нэгдсэн сантай байна.”, “47.13.Хангамжийн байгууллага энэ хуулийн 47.12-т заасан цахим мэдээллийн нэгдсэн санд эм, эмнэлгийн хэрэгслийн хамгийн бага хэмжих нэгж, түүний суурь үнэ, бөөний үнэ, жижиглэнгийн үнийг тухай бүр байршуулах үүрэгтэй.”, “47.14. Ханган нийлүүлэх байгууллагын худалдаалж байгаа эм, эмнэлгийн хэрэгслийн бөөний үнийг цахим мэдээллийн нэгдсэн сангаар дамжуулан эмийн сан, эрүүл мэндийн байгууллагад ил тод, нээлттэй байлгана.” тус тус заасан байдаг.

Тус хуулийн 47.16.-т “Эм, эмнэлгийн хэрэгслийн үнийн цахим мэдээллийн нэгдсэн санг ажиллуулах журмыг Засгийн газар батална” гэж заасны дагуу журмын төслийг боловсруулах хэрэгцээ үүсэж байна. Иймд боловсруулсан журмын төсөлд санал авахаар байршуулж байна.

Холбогдох саналаа 2026 оны 09 дүгээр сарын 28-ны өдрийг хүртэл хугацаанд Эрүүл мэндийн яамны Эмнэлгийн тусламжийн бодлогын хэрэгжилтийн газат бичгээр, эсхүл baasandorj@moh.gov.mn цахим шуудангаар ирүүлнэ үү.

Төсөл татах