БАЙГАЛЬ ОРЧНЫ САЛБАРЫН ХАМТ ОЛНОО СОР17 ХУРЛЫН ТАЛБАЙД ХҮЛЭЭН АВЛАА

Хаврын хавсрагатайд хоосон газар эхэлсэн энэ бүтээн байгуулалт, намрын сэрүүтэй зэрэгцэн амжилт бүтээл дүүрэн өндөрлөж байгаагийн ард салбарын хамт олон бүхэлдээ байгаа хэмээн Байгаль орчин, уур амьсгалын Сайд Ц.Сандаг-Очир нээлтийн үгнийхээ эхэнд онцлов.“Дэлхийн 196 улс болон Европын Холбооны төлөөлөл оролцсон Талуудын 17 дугаар бага хурлыг Монгол Улс амжилттай зохион байгуулж дэлхий нийтийн сонорт 12 хоног байж, олон улсад хүлээсэн үүргээ амжилттай биелүүллээ.Энэ үр дүнгийн ард яам, агентлаг, харьяа байгууллага, орон нутгийн байгууллага, мэргэжилтэн, албан хаагч Та бүхний хөдөлмөр бий. Сүүлийн саруудад өндөр ачаалалтай ажилласан Та бүхэндээ чин сэтгэлээсээ талархал илэрхийлж, баяр хүргэе” хэмээн үр дүнгийн хурлаа нээлээ.Энэ удаагийн хурлаас Монгол Улсын авч үлдэх бодлогын хамгийн чухал өвийн нэг бол “Тал хээрийнт өлөвлөгөө” юм. Бэлчээр, ус, газар, байгальд суурилсан шийдэл, тогтвортой дэд бүтэц, шинжлэх ухаан, хөрөнгө оруулалтыг нэг дор холбох энэ санаачилгыг талууд, олон улсын байгууллага, хувийн хэвшил, иргэний нийгмийн төлөөлөл өргөнөөр дэмжсэнийг онцлоод хурлын үр дүнг хамт олонтойгоо хуваалцав.Хурлын үр дүнг бодит ажил болгох дараагийн үе шат эхэлж байна. Бидний хийх эхний алхам бол салбарын эрх зүйн орчны шинэчлэл юм.Монгол Улсад 1994 оноос эхлэн байгаль орчны салбарын суурь хуулиуд батлагдаж, өнөөдөр 30 гаруй хууль хүчин төгөлдөр мөрдөгдөж байна. Монгол Улсын хууль тогтоомжийг 2028 он хүртэл боловсронгуй болгох Үндсэн чиглэлд 14 хуулийг хариуцан боловсруулахаар тусгагдсан гэдгийг дурдав.Үр дүнгийн хуралд Байгаль орчин уур амьсгалын өөрчлөлтийн Сайд Ц.Сандаг-Очир, Дэд сайд Б.Мөнхтамир, Төрийн нарийн бичгийн дарга Ш.Батбаяр газар хэлтсийн дарга, албан хаагчид, харьяа газрууд удирдлага бүрэн бүрэлдэхүүнээрээ оролцлоо.Энэ үеэр салбартаа ажил, мэргэжлээрээ тэргүүлсэн албан хаагчид салбарын “ТЭРГҮҮН” -ы ажилтан болон “ЖУУХ” бичгээр шагнуулав.