Audit.mn - Уур амьсгалын сангуудын санхүүжилт, Монгол Улсын хүлээсэн үүргийн хэрэгжилтэд аудит эхлүүллээ

Уур амьсгалын сангуудын санхүүжилт, Монгол Улсын хүлээсэн үүргийн хэрэгжилтэд аудит эхлүүллээ

2026-10-05 — Онцлох мэдээ

Үндэсний аудитын газраас “Уур амьсгалын олон улсын

болон хоёр талт, Даян дэлхийн байгаль орчны сангуудын зарцуулалт, Монгол Улсын

төлөөлөх эрх, үүрэг, шийдвэрийн хэрэгжилт” сэдэвт нийцлийн аудитыг эхлүүллээ. Аудитаар байгаль орчин, уур амьсгалын чиглэлээр

олон улсын сангуудаас Монгол Улсад хэрэгжүүлсэн болон хэрэгжүүлж байгаа

төслүүдийн хэрэгжилт, санхүүжилтийн зарцуулалт, тайлагнал, мөн олон улсын

гэрээ, хэлэлцээрээр Монгол Улсын хүлээсэн үүргийн хэрэгжилтэд үнэлэлт, дүгнэлт

өгөх юм.Энэ хүрээнд Даян дэлхийн байгаль орчны сан, Уур

амьсгалын ногоон сан, Уур амьсгалын дасан зохицолтын сангаас 2021–2025 онд

Монгол Улсад хэрэгжүүлсэн болон хэрэгжиж байгаа төслүүдээс төрийн байгууллага,

төслийн нэгжээр дамжин санхүүжилт нь зарцуулагдсан 11 төслийг сонгон авч

аудитад хамруулж байна. Аудитад Байгаль орчин, уур амьсгалын өөрчлөлтийн

яам, Нийслэлийн Засаг даргын Тамгын газар, төслийн удирдах хороо, зөвлөх,

хэрэгжүүлэгч байгууллага болон төслийн нэгжүүдийг хамруулж, төслийн хэрэгжилт,

хөрөнгийн зарцуулалт, гэрээ, хэлэлцээрээр хүлээсэн үүргийн биелэлтийг шалгана. Аудитын нээлтийг өнөөдөр (2026.10.05) хийж, шалгагдагч болон хамрагдагч

байгууллагуудын төлөөлөлд аудитын зорилго, хамрах хүрээ, төлөвлөгөө,

хөтөлбөрийг танилцууллаа.

Холбоотой мэдээ